Têgêrayîşê Cinîyan ê Azadan (TJA) verê bînaya HDPyî ya qezaya Rêya Armûşî de eşkerayîye daye û kişîyayîşê Fîrdevse Babata ke hetê qoricîyêkî ra ameye tecawuzkerdene û qetilkerdene protesto kerd. Wekîla HDPyî ya Wanî Muazzeze Orhan, Rêxistinê HDPyî û DBPyî, Komeleya Cinîyan a Starî û bi desan kesî tewrê eşkerayîye bîyî. 

Eşkerayîye hetê Muazzeze Orhan ra ameye wendene. Muazzeze Orhan ard ziwan ke polîtîkayê şerê taybetî yê AKP-MHPyî yê vera cinîyan zêdîyayê û vat: ''Cinîyî hetê camêrdanê unîformakerdeyan ra yenê qetilkerdene. Ma do têkoşînê xo yê rêxistinbîyayeyî bipawê, polîtîkayanê AKP-MHPyî yê vera bedenê cinîyan pûç bikerê. Têkoşîn do heta awankerdişê cuyêka azade dewam bikero. Biciwîyo paştdayîş û xoverdayîşê cinîyan.''

Qiseykerdişan ra dima çalakîya roniştişî ameye kerdene.

Çalakîye bi slogananê 'Camêrdî danê piro, dewlete pawena', 'Cînayetê cinîyan polîtîk ê', 'Cinîye, Cuye, Azadîye' û 'Cinîyî nêtersenê, hesab persenê' qedîyaye.