Aysele Tugluka ke nêweşa dîmens a, rixmo ke nêweşîya ci zaf aver şîya vera nêdîyena.

Nevîne Berktaşa ke 22 serran zîndan de menda derheqê babete de ANFyî rê qisey kerd.

Berktaşe da zanayene ke wextê Darbeya 12ê Êlule de zîndanan de zulm resabi asta tewr berze û ewro zî heman rewşe est a. Berktaşe ard ziwan ke key teber de têkoşîn pîl bibo zîndanan de zulm kêmîyeno la key teber de têkoşîn bikêmîyo zîndanan de zulm zêdîyeno.

Berktaşe vist vîrî ke Aysele Tugluk nêweşa demansî ya la rixmê ney zî vera nêdîyena. Berktaşe pare kerd ke dima ke vera cenazaya dadîya ci hêriş ame kerdene Aysele Tugluk bîya nêweş la reyna zî hucreyê yewkesî de tepişîyaye.

Nevîne Berktaş eşkera kerd ke hêrişê vera Aysele Tugluk hêrişê vera vîrê şorişgêrî yo. Berktaşe vat: ''Çîyo ke vera Aysele Tugluk yeno kerdene xîretê qesasgirewtişî yo. Vera ci hende zulm yeno kerdene ke têna ma eşkenê verê ney bigêrê. Eke ma wayîrê Aysele vejîyê ma eşkenê ney bibedilnê. Seba ke Aysele bêra veradayene ganî ma zaf xîret bikerê. Eke teber de seba ney têgêrayîşêko cidî biqewimiyo Aysele Tugluk do vejîya teber. Qetî ma Aysele destê înan ra bigêrê. No erkê ma yo sereke û deynê ma yo.''