Endamanê Meclîsê Mayanê Haştîye yê Mêrdînî pê eşkerayîyêke vera hêrişanê îşxalî yê dewleta tirke yê serê Başûrê Kurdîstanî nêrazîbîyayîşê xo mojna.

Mayê Haştîye verê bînaya HDPyî de ameyî pêser û înan semedê caardişê yewîya neteweyî veng da.

Nameyê Mayanê Haştîye ser o Perîhane Altun qisey kerd û vat: ''Armancê ma haştîye û yewîye yo. Coka ma ameyî tîya. Şima zî mojnenê ke vera çita yê. Şima asteng zî bibê ma tim meydanan de do bibê. Wa kurdê Başûrî zî vengê xo berz bikerê. Bibê yew. Biciwîya yewîye.''

Maya Haştîye Besna Gunay zî îfade kerd ke ê şer nêwazenê û semedê çareserîye veng da.