Meclîsê Cinîyan ê HDKyî çarçeweya çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan de Kadikoy de eşkerayîye daye. Wekîlê HDPyî Zeleyha Gulum, Dilşate Canbaz Kaya û cinîyê femîstî tewrê çalakîye bîyî.

Dideme Acabeya ke eşkerayîye wende vat têkoşînê azadîye yê cinîyan wayanê Mirabelan ra heta Nagîhane Akarsel û Jîna Emînî sînor nasnêkeno û dewam keno.

Acabeye vat: ''Ma vanê 'Paştdayîşê Cinîyan Sînor Nasnêkeno' û  gijikê Jîna û kelema heqîqetî ya Nagîhane pê tarîxê azaîdîye yê cinîyan kenê yew û pê slogana  “Jin, Jiyan, Azadî”  ya ke her cayê dinya de bena berze, kenê qîrayîşê serewedaritişî. Îqtîdaro faşîst yê AKP-MHPyî pê qanûnan şîdetê vera cinîyan keno meşrû. Ma do pê têkoşînî nê polîtîkayanê hêrişkaran betal bikerê. Îqtîdarê ke semedê menfeatê xo her qeyde şîdet, bêhuqûqîye, zûr û rijnayîşî meşrû vînenî ma do vera înan kuçeyan û waran cameverdê. Ma wayîrê nasname, beden, heq û cuyeyanê xo vejîyenê.Wa biciwîyo têkoşînê ma yê azadîye. Jin, Jiyan, Azadî!''