Meclîsê Cinîyan ê HDPyî çarçewa têkoşînê vera xizanîya cinîyan de Anqara de bi nameyê 'Cinîyî cuyêka newîye ya bêastengîye awan kenê' komxebatêke kerde. Vervatoxa Meclîsê Cinîyan ê HDPyî komxebate de qisey kerd.

Başarane ard ziwan ke menga sibate ra nata ê Kampanyaya 'Cinîyan rê Edalet'î kenê û na çarçewe de xeylêk cinîyan reyde roniştî.

Başarane vat: ''Goreyê doneyanê TUÎKî se ra 12.29î nufusê Tirkîya astengdar o la ma hûmara cinîyan ê astengdaran nêzanenê. La ma zanenê ke xeylêk astengdarî îmkananê cuyêka rûmetên û azade ra bêpar ê. Cinîyî hem astengdarîye hem zî cinîbîyayîşî ra semed benê hedefê cinîyan ê astengdaran. Cinîyî nêeşkenê heqanê destûrê bingeyî ra fayde bivînê. Mîsal bara domanan ê astengdaran milê cinîyan rê vera dîyena.

Komîsyonê ma yê astengdaran çend mengî verî manîfestoyêk weşana û îfade kerd ke paradîgmaya newîye semedê çareserîye lazim a. Sey karanê ma yê bînan ma do na babete zî berê Meclîsî. Ma hol zanenê ke ma pîya xurtêr ê û pê paştdayîş û têkoşînê cinîyan ma eşkenê astengîyan werte ra wedarnê.''