Meclîsê Cinîyan ê HDPyî derheqê 25ê Teşrîna Peyêne ya Roja Paştdayîşî û Tekoşînê Vera Şîdetê Serê Cinîyan de beyanatêko nuştekî weşana.

Meclîsê Cinîyan ê HDPyî beyanatî de pare kerd ke ganî kpolîtîkayanê îşxalî û şerî, her tewirê şîdetê serê cinîyan û îradeyê şaran bikê armancê xo. Dewamê beyanatî de wina ame vatene: "Her ke şono hêrişê vera destkewteyanê ma, şarê ma, azadîye, cuya ma û estbîyayîşê ma ya warê komelî benê zêde. Îqtîdarê AKP-MHPyî hêrişê têkoşînê cinîyan û azadîya cinîyan keno.

Ma venga pêro cinîyan danê ke vera îqtîdarê camêrdan û hişmendîya ferdan, vera polîtîkayanê destsernayîşan û îşxalî, vera dişmenîya AKP-MHPyî ya vera cinîyan 25ê Teşrîna Peyêne ya Roja Paştdayîşî û Têkoşînê Vera Şîdetê Serê Cinîyan bivejîyê meydanan."