Meclîsê Cinîyan ê HDPyî derheqê serebûtê hêrişê cînsî yê Colemêrgî de eşkerayîyêke daye.

Eşkerayîye de ame vatene ke netîceya polîtîkayanê AKP-MHPyî de serebûtê hêrişê cînsî zêdîyenê. Meclîsê Cinîyan pare kerd ke betalkerdişê Peymana Îstanbulî îsbatê dişmenîya îqtîdarî ya vera doman û cinîyan a.

Eşkerayîye wina dewam kena: ''Qezaya Geverî ya Colemêrgî de eşkera bi ke tay doman û ciwanî maruzê hêrişê cînsî yê hêzanê dewlete manenê û pê zorê nê hêzan de maruzê camêrdan ê bînan zî manenê. Êyê ke vera nê serebûtî bêveng manenê, serê ci gênê wa bizanê ke ma sey cinîyan peyê nê serebûtî d eyê.

Ganî beyanê doman û cinîyan sey esasî bêrê girewtene. Ma nê xeberî verî zî dîyî. Şaristananê kurdan de hêrişo cînsî yê hêzanê dewlete polîtîkaya şerê taybetî ya. Ma na raştîye veradayîşê Musa Orhano ke Îpeke Er rê tecawuz kerd û vînîkerdişê Gulîstane Doku ra şinasnenê.

Hêzê asayîşî pê bêcezaverdayîşî yenê xelatdayene. La îqtîdar bizano ke nê polîtîkayê şerê taybetî do ser nêkewê. Ma do sey Meclîsê Cinîyan ê HDPyî her ca de polîtîkayanê gemarinan ê îqtîdarî teşhîr bikerê. Ma vera nê sûcanê hêzanê asayîşî bêveng nêmanê!''