Meclîsê Cinîyan ê HDK, HDP û ESPyî zî tede xeylêk organîzasyonanê cinîyan bi eşkerayîyêke vera hêrişanê serê aktîvîstanê Têgêrayîşê Cinîyan ê Azadan (TJA) nêrazîbîyayîşê xo mojna.

Eşkerayîye de ame vîrvistene ke îtîfaqê serdestîya camêrdan ê AKP-MHPyî teda û hêrişê vera cinîyan zêdînayî. Eşkerayîye de wina ame vatene: ''Îqtîdaro ke bi şîdetê vera cinîyanê ke bi wesîleya 25ê Teşrîna Peyêne vera şîdet û cînayetan vejîyabi kuçeyan, reyna dişmenîya xo eşkera kerde. Operasyonê vera TJA zî îsbatê na dişmenîye yo. Embazanê ma ra heta nika 8 cinîyî tepişîyayî û hepsê keyeyî dîya 10 embazanê ma yê bînan. Nê operasyonî dewamê operasyonê qirkerdişê sîyasî yê. Sîyasetê şerê gemarinî yê vera kurdan û vera cinîyan cîya nîyê. Destpêkê operasyonî ra nata îtîfaqê AKP-MHPyî medya û mehkemeya camêrdan na cinîyan dima û kerd ke aktîvîstanê TJA krîmînalîze bikerê.

Bêguman nê hêrişî pêro seba weçînayîşî yê. Îqtîdar cinîyan sey astengîya verê xo vîneno la cinîyî do bi pîlkerdişê têkoşînê azadîye cewabê tewr pîlî bidê.

Êyê ke xîret kenê ke bi destbendkerdişî, bi tepiştişî têkoşînê azadîye bixeniqnê wa baş bizanê ke ma zere de zî teber de têkoşîn kenê. Ma venga ê hêzanê ke TJA krîmînalîze kenê danê ke TJA cinîyê kurd ê ke seba azadîye têkoşîn kenê. Nameyê têkoşînê vera kişîyayîşê cinîyan nameyê vervejîyayîşê vera şîdetî yo. Rêxistina siwanî ya têkoşînê azadîye yê cinîyan ê kurdan vana 'jin, jiyan, azadî.'

Bi nê operasyonan ê do nêeşkê sûcanê xo binimnê. Şima do nêeşkenê pê nê operasyonan xo bixelisnê yan zî verê têkoşînê cinîyan bigêrê. Ma do hetê cinîyanê TJA de bibê û nê îqtîdarê dişmenê cinîyan bin bivisnê.''