Mehkemeya tirkan qoricîyo ke domanêke tacîz kerda vera da
Qezaya Payîzava ya Wanî de îfadeyê qoricî Faîk Duralo ke domanêke rê hêrişo cînsî kerd eşkera bi. Rixmo ke qoricîyî sûcê xo îtîraf kerdo dozgerîye qoricî vera da.
Dewa Oveçlî ya qezaya Payîzava ya Wanî de qoricî Faîl Duralî û citkar Mahmut Hangulî teşrîna peyêne de domana 16 serre H.D. rê hêrişo cînsî kerdbi. Hangul û Duralî gerreyî ser tepişîyayî.
Qoricî Faîk Duralî îfade de sûcê xo îtîraf kerd la Hangulî sûcê xo red kerd. Duralî rixmo ke sûcê xo îtîraf kerdo di mengan de vera dîya û Hangul hema zî tepişîyeno.
Mehkemeya Cezaya Girane ya Wanî hêrişo cînsî yê Duralî sey 'tacîzêkê basîdî' ercna û bi waştişê veradayîşî dosya sewqê Mehkemeya Cezaya Eslîye kerde. Mehkeme bire daye ke Hangul bitepişîyo.
