Kurdîstan û Tikrîya de her roje cinîyî kişîyenê. Medya, asayîş û mehkemeyî zî nê cînayetan teşwîq kenê. Endama Komeleya Cinîyan a Rosa Avûkate Elîfe Tîrenç Ulaş derheqê teda û cînayetanê vera cinîyan de ANFyî rê qisey kerd.

Avûkate Ulaşe ard ziwan ke kişîyayîşanê cinîyan de tesîrê biranê mehkeme zaf o û vat: ''Dosyayê pawitişê cinîyan bi îdîaya 'rewşa ci hol a' yenê qefilnaye, no zî tesîrêk o. Na polîtîkaya dewlete zî tesîrê pêro komelî kena. Mîsal peydakerdişê çeke bi xo mesele ya. Bi nê hawayî sîstemê serdestîya camêrdan aver şina. Na babete de karê komelkî yê têdûştîya cînsîye ganî bêrê kerdene. La na polîtîka nêna caardene û verê şîdetî nêno girewtene.''

Ulaşe vist vîrî ke kişîyayîşê cinîyan wextê peyênî de zêdîyayî û vat: ''Serebûtê şîdetî zî zêdîyayî. Na rewşe polîtîkayanê hukmatî ra cîya nîya. Çunke hukmat pê polîtîka û karanê xo verê şîdetê serê cinîyan akeno û ney teşwîq keno. Herinda ke kiştoxan ceza bikero xelate dano înan.''

Avûkate Ulaşe bale ante têkoşînê cinîyan ser û pare kerd ke ganî cinîyî pê têkoşînê de mehkemeyan rê teda bikerê û vat: ''Cinîyî wina bikerê ke mehkemeyî erkanê xo bîyarê ca. Nênimnayîşê serebûtanê kiştişî û nêqefilnayîşê dosyayanê înan  netîceyê têkoşînê cinîyan ê. Bêguman no qîm nêkeno çunke ma vera sîstemî têkoşîn kenê.''