Tirkîya de hema hema her roje cinîyî yenê qirkerdene. Platformê 'Ma do Verê Kişîyayîşê Cinîyan Bigêrê' (KCDP) raporê xo yê menga nîsane eşkera kerd.
Goreyê raporî nîsane de 24 cinîyî ameyî qirkerdene û 16 cinîyî zî bi hawayêkê şikdarî merdî.

Goreyê raporî sebebê qirkerdşê 13 cinîyan nêzanîyeno. 10 cinîyî seba ke waştêne cîya bibê, pêkerdiş red kerd, têkilîye red kerd ameyî qirkerdene û yew cinîye zî bi bahaneyanê ekonomîkan kişîyaye.

KCDPyî da zanayene ke 24 cinîyan ra 15ê ci keyeyê xo de, 4 cinîyî werteyê kuçeyî de, 1 cinîye wesayît de, 1 cinîye parke de, 1 cinîye kişta rayîrî de ameyî qirkerdene.

11 cinîyî hetê camêrdanê ke tede zewijnaye bîyê ra, 3 cinîyî hetê camêrdanê ke verî tede waştîye bîyê ra, 7 cinîyî hetê camêrdanê ke verî mêrdeyê înan bîyê ra, 1 cinîye hetê lajê xo ra û 1 cinîye zî hetê camêrdêkê nênasî ra kişîyayî.