Platformê 'Ma do Verê Kişîyayîşê Cinîyan Bigêrê' (KCDP) raporê xo yê temmuze eşkera kerd. Goreyê raporî temmuze de 24 cinîyî ameyî kiştene û 20 cinîyî zî bi hawayêkê şikdarî merdî.

KCDPyî da zanayene ke Îstanbul de 4, Denîzlî de 3, Îzmîr de 2, Konya de 2, Mugla de 2 û Afyonkarahîsar, Enqere, Balikesîr, Amed, Eskîşehîr, Isparta, Kirşehîr, Kocaelî, Mêrsîn, Mûş û Yozgat de zî yew cinîye ameyî qetilkerdene.

Rapor de nêame tesbîtkerdene ke 10 cinîyî bi kamyew bahane kişîyayê la ame parekerdene  ke 14 cinîyî waştişê cîyabîyayîşî, pênêkerdiş, redkerdişê zewaj û têkilîye û sebebê ekonomîkî ra ameyê qetilkerdene.

Rapor de ame îfadekerdene ke heta nêro tesbîtkerdene ke cinîyî  hetê kamî ra û çira ameyê qetilkerdene muhakemekerdişo edîl zî nêno kerdene û heta ke cezaya girane nêra dayene, tedbîrê nêrê girewtene zî şîdetê vera cinîyan do dewam bikero.