Endama Koordînasyonê KJKyî Rewşene Mêrdîn Newroza 2022î û xoverdayîşê cinîyan ANFyî rê ercna. 

Qiseykerdişê Mêrdîne ra beşêk wina yo: 

''Çalakî û aktîvîteyê 8ê Adara 2022î bi heybetî bîyî. Cinîyî rixmê tedayan zî vejîyayî waran. 2021 de Kurdîstan û teberê welatî de cinîyan serkêşîya xoverdayîşî kerde. Hemleyanê Wextê Azadîye û Wextê Cinîya Azade têkoşînê cinîyan berz kerd. Cinîyî raştê hêrişanê pîlî yê sîstemê pederşahîye yenê. Ganî cinîyî vera hêrişanê pederşahîye yê vera destkewteyan rêxistinî û yewîya xo awan bikerê. Nêbo destkewteyê cinîyan do binê tehlukeyî de bimanê. 

Cinîyî pê xoverdayîşê xo ganî wayîrê destkewteyanê xo û Rayber Apoyî vejîyê. Vakurê Kurdîstanî de cinîyê kurdî bi tewirêkê xurtî xo ver danê. Cinîyê Vakurî ganî ruhê xoverdayîşî yo ke 8ê Adare de mojnabi, Newroze de zî bimojnê. Na Newroza serrgêra 50. ya têgêrayîşê ma ya. Coka cinîyî na Newroze wa wayîrê Rayberîye vejîyê û seba azadîya ey serkêşîya têkoşînî bikerê. Hêzê cinîyan est o ke ney bikerê.Ganî ma dêsanê Îmraliyî birijnê. Çunke şexsê Rayberîye de vera cinîyan tecrîd yeno caardene. 

Ewro bi des hezaran cinîyî zîndan de yê. Dewlete wazena vengê tepişteyan bibirna. La ma ne mergî ra ne zî yewna çîyî ra tersenê. Ganî ma vera kerdişanê faşîzanan ê dewlete bibê vengê tepişteyan û paştî bidê çalakîyanê keyeyanê tepişteyan.

Başûr de wextê cînayetanê vera cinîyan de kiştoxî televîzyonan de qisey kenê vanê 'Aye heq kerd, mi zî kişt.' No meşrûkerdişê cînayetan o. Ganî rêxistinê cinîyan ê Başûrî vera ney tewirê xo bimojnê û hesab bipersê. Komxebata Cinîyan ê Kurdan a Silêmanî de birê girîngî ameyî girewtene. Erkê ma pêroyînan o ke seba caardişê nê biran têbigêrê.''