Wekîla HDPyî ya Amedî Semra Guzel derheqê rewşa ekonomî ya cinîyan ser o ANFyî rê qisey kerd.

Semra Guzel pare kerd ke feqîrîye bêedaletîya tewr pîle ya û Kampanyaya 'Feqîrîya cinîyan rê nê' ya HDPyî vist vîrî.

Guzele bale ante paketa tesarufî ya hukmatê Erdoganî ser û vat: ''Krîzêko pîl esto la dewlete mesrafanê xo kêm nêkena û ê cinîyan û komelî kêm kena. Pê mesrafê menganeyî ya Qesre bi seyan keyeyî eşkenê debara xo bikerê. Wextê AKPyî de krîzo ekonomîk û feqîrîya cinîyan zêdîyayî. Aktoro serek yê feqîrbîyayîşê cinîyan Erdogan û hukmatê ci yo.''

Guzele da zanayeneke erjê lîraya tirkan vera kêmîyeno û vat: ''Qîmetê meaşî nêmendo, hêzê hêrînayîşî şikîyayo. No proses zaf tesîrê cinîyan keno. Xora dinya de zî cinîyî tim camêrdan tayêr meaş gênê.''

Semra Guzel derheqê pakêta muhakemekerdişî ya 4. ser o zî qisey kerd ke pakête hetê Meclîsî ra ameye tesdîqkerdene. Guzele eşkera kerd ke pê na pakête tecawuzkerî pawîyenê. Guzele vat: ''AKP hîşmendîya tacîzkere û tecawuzkere paweno.''