Mibicî de rayraşîyayîşê 25ê Teşrîna Peyêne

Cinîyan ê ciwanan ê Minbicî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan rayraşîyayîşo meşaleyin kerd.

Cinîyan ê ciwanan ê Minbicî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan rayraşîyayîşo meşaleyin kerd.

Bi seyan kesê ke bi meşale û pankartan verê Nêweşxaneyê Firatî de ameyî pêser bi slogananê azadîya cinîyan dest pê rayraşîyayîşî kerd. Badê rayraşîyayîşî Îdarekara Meclîsê Cinîyan ê Ciwanan Tehanî Lezîza ke qisey kerd vat yewbîyayîşê cinîyan do vernîya şîdetê serê cinîyan bîgiro. Tehanî bale ante ke hêrişanê îşxalî yê dewleta Tirke de cinîyî sey hedefî gerîyenê û vat wazenê ke destkewteyê ke rayberîya cinîyan de ameyî destfînayene înan çîn bikerê la vera xoverdayîşê ma de hêrişkarî do vîn bikerê. Çalakî ra dima derheqê şehîde Hevrîne Xelef de sînevîzyon ame ramotene.