Minbic de bi tewrbîyayîşê 21 cinîyan ê ciwanan 6’ê Temmuze de programê perewerdeyî yê qefilnayeyî yê seba 7 rojan ame destpêkerdene.

Program de perwerdeyê cuya hempare, nasnameyê cinîyan û tekîlîya cinîyan bi xoza gerîyenê dest. Dîlan Berekela ke tewrê perwerdeyî bîya bale ante muhîmîya perwerdeyî ser û ard ziwan ke seba ke cinîyî hêzê xo yê cewherîyî ferq bikerê, xebatê wînayêne yenê kerdene.

Aktîvîteyê Kulturkîyî Yenê Viraştene

Berpirsîyaranê kampe programêko zengîn amede kerdo. Pîya bi perwerdeyan binîzamî mekanê tarîxî yenê gêrayene û qursê asnawe yenê dayene.

Hînd Cînêda ke tewrê perwerdeyî bîya vist vîrî ke dimayê azadkerdişê Minbicî reya verên a ke serrewextê hamnanî de programê perwerdeyî yeno destpêkerdene û vat: ‘’Perwerde zaf atmosferêkê rindî de ame viraştene. Fikirê ke ma verî nêzanayêne ma nê nas kerdî. Reyna tarîx ra heta roja ma derheqê raştîya cinîye de ma zaf çî musenê.’’