Bajarekê Backnangî yê şaristanê Stuttgartî yê Almanya cinîya êlihije Mizgîne Aydin hetê mêrdeyê xo ra verê keyeyî de pê kardî kişîyaye. Polîsan da zanayene ke mêrdeyê sûrîyeyîjî yê Mizgîne bi des derban Mizgîne qetil kerde.

Platformê Aktion Bundnis 8 März, TJK-E, Yewîya Cinîyan ê Sosyalîstan zî tede rêxistinanê cinîyan verê keyeyê Mizgîne de eşkerayîyêka çapemenîye kerde. Cinîyan deqayêkê rêzgirewtişî ra dima dowîz û çîçekî verê berî de ronîyayî. Cinîyan ard ziwan ke seba ke cinîyî nêrê qetilkerdene ganî tedbîrê xurtî bêrê girewtene.

Eşkerayîye ra dima cinîyan sloganê 'Cinîye, Cuye, Azadîye' vat.