Mûxabîra NuJINHA Nexame Kiraje (25) 12ê teşrîna peyêne de hêrişê Îsraîlî yê vera  Gazze de  linga xo ya raşte û sereyê xo ra birîndar bîye.

Rîyê hêrişanê Îsraîlî û birnayîşê ceyranî ra nêweşxaneyî nêeşkenê xizmet bikerê, coka rojnamegere nêameye tedawîkerdene.

7ê teşrîna verêne ra nata Gazze de 11 hezar kesî merdî ke mîyanê înan de bi desan rojnamegerî est ê.

Goreyê Komîteya Pawitişê Rojnamegeran  (CPJ) destpêkerdişî şerî ra nata tewr tay 40 rojnamegerî û xebatkarê medya ameyî mirnayene.