Pawitoxa heqanê merdiman Nergîze Muhammedîya ke Îran de tepişte ya, seba Werîşe Mûradîya ke cezaya îdamî dîyabî ci mesajêkê paştdayîşî weşana.

Nergîze cezaya îdamî ya vera Werîşe şermezar kerde û vat: ‘’Cezaya îdamî bi taybetî sîstemêkê mehkemeyan ê nexoserî de binpaykerdişê heqanê merdiman o. Rejîmanê zorbazan de seba ke sîstemê edaletî verê îqtîdarê otorîterî de sereyê xo ano war ganî wedarîyayîşê cezaya îdamî meseleya her kesî biba.

Rejîmê înfazî sey hacetêkê zorbazîye şuxilîyeno. Muxalefeto komelkî ganî tena vurîyayîşê sîyasîyî ney wedarîyayîşê îdamî zî xo rê bikero armanc. Seba ke no têkoşîn bêro kerdene ma neçare yê ke caardişê biranê îdamî asteng bikerê. Ma hêvî kenê ke rojêke cezaya îdamî bi temamî bêra wedaritene. Na roje do dîyarker biba û biba wesîleya serkewtişanê neweyan.’’