Kovara cinîyan a mengane Newaya Jin bi manşetê 'Fitratê Şima: Îşxal-tecawuz-qirkerdiş' hûmara xo ya êlule vete.

Na hûmara de babetanê Peymana Îstanbulî, polîtîkayanê şer û haştîye, rêçanê xoverdayîşê Kobanê ser o yeno vindartene.

Na hûmare de nuştoxan Ronî Eylem û Gulîstan Îke serebûtê Îpeke Er ser o polîtîkaya tecawuzî ya dewlete ercnaye. Ruşene Seydaoglu zî meseleya xespkerdişê heqanê cinîyan şirove kerde.Estere Hergûşî zî Endama Meclîsê Rayberdişî ya MSDyî  Îlhame Ehmed reyde roporatjêk kerd. Elîfe Kaya bi nuşteyê xo xoverdayîşê Kobanê ra behs kerd. Rojnamegere Bêrîtane Zagros zî bi nuşteyê xo da zanayene ke şarê Başûrî wazeno ke hukmat îstîfa bikero.

Nuştoxê sey Zerya Gul, Dilzare Dilok, Roza Metîna, Nazane Ustundag, Nîlgune Yelpaze zî bi nuşteyanê xo paştî daye na hûmare.

Reyna na hûmara Hewaya Jin de ekîpa tîyatroyî Sarya Baran reyde ropotajêk esto.

Hûmara êlule de şehîde Endama Konseya Rayberişî ya KJKyî Fîlîze Aslan (Leyla Agirî) û Gulîstane Aksoy (Hêvî Gabar) bi nuşteyan yenê vîrardene.