Rojnameyê Newaya Jin bi organîzasyonê Meclîsê Cinîyan ê Vîyane şaristanê Kolnî yê Almanya de wendoxanê xo reyde kom bi. Kombîyayîş de derheqê weşangerîya cinîyan, kodanê cînsîyan û tedeyîya Newaya Jin de nîqaşî ameyî kerdene.

Kombîyayîş de rojnamegere Ulkeme Zeremya qisey kerd. Zeremya vist vîrî ke tewr zaf Tirkîya vera rojnamegeran teda kena û da zanayene ke menga terşrîna verêne de 40 rojnamegerê cinîyî raştê şîdet, gef û tacîzî ameyî.

Zeremya bale ante girîngîya medyaya cinîyan ser û îfade kerd ke medya çimeyê cinîyan de çeperêkê têkoşînî yo.

Qiseykerdişê Zeremya ra dima wendoxan fikrê xo ardî ziwan û derheqê tedeyîya Newaya Jin de fikr, pêşnîyaz û rexneyê xo pare kerdî.

Newaya Jin 14ê teşrîna peyêne de Hanau û Darmstadt de, 21ê teşrîna peyêne de Siegen de do wendoxan reyde kom biba.