Newaya Jin kombîyayîşanê bi wendoxan rê dewam kena. Şaristananê Hanau û Darmstadtî yê Almanya de rojnameyî qala weşanê xo kerde û fikr û pêşnîyazê wendoxan girewtî.

Kombîyayîş Meclîsê Cinîyan ê Nûjîne de ame kerdene. Kedkaranê rojnameyî ra Ulkeme Zeremya tîya de qala medyaya dinya û herême de rolê cinîyan kerde. 

Zeremya ard ziwan ke rojnamegerê kurdî semedo ke raştîyan nusenê yenê muhakemekerdene û vat: ''Serranê 90an ra nata cinîyê kurdî çapemenîye de resayî astêke û vera medyaya camêrdan weriştî we. No zî xêrê averşîyayîşê têkoşînê cinîyan ê kurdan ra bi.''

Zeremya da zanayene ke Newaya Jin 2005 ra nata sey mengane weşanîyena.

Zeremya dima fikr û pêşnîyazê cinîyan goşdarî kerdî.