Endama Meclîsê Partîya Cuya Azade ya Rojhelatê Kurdîstanî (PJAK) Nûjîne Bêrîtan îfade kerd ke Îran pê 'recûle sîyasî' heqanê cinîyan binpay keno û ganî cinîyî mîyanê her şertî de vera rejîmî têkoşîn bikerê.
Endama Meclîsê Partîya Cuya Azade ya Rojhelatê Kurdîstanî (PJAK) Nûjîne Bêrîtan bernameyê Ravînî yê Aryen TVyî de hêrişê îşxalî yê vera Kurdîstanî ercnayî. Nûjîne Bêrîtan qiseykerdişê xo de nê noqtayan ser o vinderte:
''Ganî hêrişê vera waranê PKKyî baş bêrê famkerdene. Hêrişanê îşxalî serrgêra Qirkerdişê Armenîyan de dest pêkerd, no tesadûf nîyo. Amerîka zî nê rojan de xelate ronaye sereyê Mûrat Karayilan, Dûran Kalkan û Cemîl Bayikî ser zî.
A raşte mabênê ma û Îranî de nika adirbirnayîşêk esto. Nê hêrişê ke vera têgêrayîşanê kurdan yenê kerdene aslê xo de vera kurdan yenê kerdene.
Îran de cinîyî raştê tacîz, tecawuz, şîdetî yenê. Îran pê 'recûle (cinîyê ke sey camêrdan têgêrenê) sîyasî' heqanê cinîyan binpay keno. Îran û Rojhelatê Kurdîstanî de ganî cinîyî hînî tewrê weçînayîşan bibê û rêxistinîya xo aver berê. Ganî cinîyî mîyanê her şertî de vera rejîmî têkoşîn bikerê û heqanê xo bipawê.
Rejîmê Îranî şar û cinîyanê Rojhelatê Kurdîstanî xapîneno û seba menfaatanê xo şuxilneno. Cinîyî wa verê ney vejîyê û heta peynî seba temsîlkerdişê cinîyan xo ver bidê.''
