Rêxistina Xelisîyayîşê Cinîyan ra Nûpelda Çelîk derheqê polîtîkayanê îqtîdarî yê vera cinîyan de ANFyî rê qisey kerd.

Nûpelda Çelîk da zanayene ke îqtîdar xîret keno ke wextê pandemî de cinîyan keye de heps bikero û vat: ''La têkoşînê cinîyan ê vera zulmî dewam keno. Bi nê hawayî cinîyan planê îqtîdarî çin kerdî. Cinîyê seba ê wayanê ke her roje kişîyenê û raştê şîdetî yenê têkoşîn kenê, vejîyenê meydanan.''

Nûpelda bale ante polîtîkaya hêrişî ya vera destkewteyanê cinîyan û vat: ''Camêrd-dewlete 2020 de sere de Komeleya Roza xîret kerd ke pêro dezgehanê cinîyan çin bikero. Îdarekar û xebatkarê komele tepişîyayî. Îqtîdar o çax nêeşka cinîyan bitersna coka nîsana 2021î de reyna nêzdîbîyayîşê xo dibare kerd. ''

Nûpelda Çelîk vist vîrî ke Tirkîya prosesê Newroze de nêmeyê şewe Peymana Îstanbulî ra xo apet ant û vat: ''Nêbeno ke qesre destkewteyan û heqê cuye yê cinîyan ser o wayîrê hukmî biba. Ma do qetî destkewteyanê xo ra Peymana Îstanbulî ra fek vera nêdê. Peymana Îstanbulî yê ma ya.''