Endama Konseya Fermandarîya YJA-starî Hêzile Ozgur hêrişê îşxalî yê dewleta tirke ANFyî rê ercnayî. Qiseykerdişê Ozgure ra beşêk wina yo:

''17ê nîsane de, şewe artêşa tirke Başûrî ser a, vera Zap û Avaşînî pê bombardumanan hêrişê îşxalî yê hîrayî dayî destpêkerdene. Dişmen hetê Kuro Jehroyî ra ame û Skorskyan ra leşkerî ardî war. Dişmen cade raştê xoverdayîşê gerîlayan ame. Dişmenî verî waşt ke tunelanê şerî ra dûrî de seba ke bireso tunelan erdî ra bireso warî. Artêşa tirke derbanê hêzanê ma ra dima nêeşkaye aver şora, tay cayan ra remaye û tay cayan de zî bîye hedefê embazanê ma.

Dişmen cenazayanê xo pê skorskyan beno. Embazê ma pê tîmanê hereketînan, sabotajî ta heta sereştişî, dafike ra heta mîyankewtişî bi hawayêkê bêmabênî çalakîyan kenê. Dewlete pê medyaya xo kena ke hûmara kişteyanê xo binimna û binkewtişê xo eşkera mekera.

Nê hêrişî vera pêro destkewteyan, namus û şerefê kurdan ê. Dewlete kena ke heta 2023yî biresa sînoranê Mîsak-i Mîlî. No şer têna mabênê PKK û dewleta tirke de nîyo, vera pêro kolonyalîstanê Kurdîstanî yo. Senî ke gerîlayî nê prosesî de wezîfeyanê xo anê ca, ganî pêro kurdî zî vera hêrişanê îşxalî sînorêkî xêz bikerê û îşxalî vindarnê.

Kurdê ke polîtîkayanê dewleta tirke rê hemkarîye kenê û nînan tesdîq kenê, wa bizanê ke hînî ma înan sey dişmenê kurdî vînenê. Ma sey gerîlayan do nê kesan ra hesab bipersê, cewabê înan bidê. Wa şarê Başûrî bizano ke Erdoganî herinda Saddamî girewto. La çew vera Erdoganî vengê xo nêkeno. Eke şarê kurdî û dostê ma yew bibê eşkenê nê hêrişanê wehşîyan vindarnê. Ma pê bawer ê ke şarê ma pê çalakîyan tewirê xo bimojno. Çunke wext wextê qiseykerdişî nê wextê çalakîyan o. Proses ma ra qalan nê pratîkî wazeno. Ganî ma seba qedînayîşê şer û tecrîdî û azadîya Rayberîye nê prosesê hesasî pê serkewtişî tacîdar bikerê.

Hayîya gerîlayan pê mîsyonê înan est a. Coka ma vera hêrişan bi îrade û qerardarîyêka pîle xo ver danê. Gerîlayê YJA-Starî serkêşîya nê şerî kenê û pê marîfetê cinîya kurde derbanê giranan danê dişmenî ro. Ma do bibê Zîlane, vera îxanetî bibê Bêrîtane û pê tewirê Sara bi xoverdayîşî serkewtişî tacîdar bikerê. Ganî cinîyê ciwanî mesuldarî û erkanê xo, nê prosesî de bîyarê ca. Ma venga pêro cinîyan ê ciwanan danê ke bêrê koyanê Kurdîstanî de vera dişmenî şer bikerê. No xoverdayîşo pîlî qetî do ser bikewo. Gerîlayî do ser bikewê, azadîye do ser bikewa, merdimîye do ser bikewa û şarê kurdî yo mezlûm do ser bikewo!''