Koordînasyonê Partîya Azadîye ya Cinîyan a Kurdîstanî (PAJK) derheqê serrgêra 9. ya Şorişê Rojawanî de eşkerayîyêke daye. Eşkerayîye wina ya:

''Şorişê Rojawanî 19ê temmuza 2012î de Kobanê de dest pêkerd, şaristananê Rojawanî ra vila bi û vurîya hêvîya azadîye ya şaranê Kurdîstanî, Rojhelatê Mîyanênî û pêro dinya. Ma serrgêra 9. ya Şorişê Rojawanî fîraz kenê, şexsê Silava, Revane, Arîne Mîrkan, Barîne, Dayê Aqîdê Hevrîne Xelef, Hêlîne de pêro şehîdanê Şorişê Rojawanî bi rêzdarî yad kenê. 

Şorişê Cinîyan ê Rojawanî netîceya keda 20 serrran a Rayber Apoyî ya. Şorişê Rojawanî pê sloganê 'cinîya azade komelo azad' vera cerganê El Nûsra û DAÎŞî ame caardene. No şoriş xeyalanê azadîye yê merdimîye geş keno. Şorişê Rojawanî pêro dinya de veng vet û merdimî pêl bi pêl tewrê nê şorişî bîyî. Şorişê Rojawanî yo ke rayberîya cinîyanê ereb, kurd, armen û sûryanan de ame kerdene mojneno ke seserra 21. do biba seserra azadîya cinîyan. Vera cerganê DAÎŞî pê ruhê têkoşînî yê bêhempayî, pê xeta şerî ya şarê şorişgêrî têkoşîn ame kerdene û Şorişê Rojawanî bi çimeyê hêvîya merdimîya averwaze. Pê modelê neteweya demokratîke û paradîgmaya azadîwaştoxe, demokratîke û ekolojîke şoriş bi tersê faşîzmî û dewleta tirke.

Semedo ke Şorişê Rojawnaî şorişê cinîyan o û pê paradîgmaya azadîya cinîyan awan bîyo dewleta tirke ya faşîste tim hêrişê ci kena. Dewleta tirke wextê hêrişanê DAÎŞî yê vera Kobanê de pê vateyê 'Kobanê keweno, verê warkewtişî de yo' hêrs û kînê xo yê vera şorişî vet meydan. Xora pêro dinya zanena ke cerganê DAÎŞî çira serê Tirkîya ra hêrişê Şorişê Rojawanî kerdêne. Destpêkê Şorişê Rojawanî ra nata hêrişê dewleta tirke yê vera şorişî dewam kenê.

Dewleta tirke ya faşîste pê vateyê 'Kobanê verê warkewtişî de ya' wayîrê cerganê DAÎŞî vejîyaye, hêzanê hegemonan reyde nê cergî afernayî. Rijnayîş û çinkerdişê faşîzmî seke Şorişê Rojawanî de ame kerdene do pê xoverdayîş û têkoşînê hemparî yê şaran bibo. Senî ke Şorişê Rojawanî de  têkoşîno hempar ê cinîyan Şorişê Rojawanî aferna ewro zî pê aqil û ruhê hemparî yê cinîyan çarçewa paradîgmaya azadîwaştoxe ya cinîyan de pê têkoşînî sîstemo kapîtalîst yeno çinkerdene û merdimîya averwaze nê sîstemê kanwazî ra xelisîyena.

Serrgêra 9. ya Şorişê Rojawanî  de ma nê şorişo ke vurîyayo roşanê xoverdayîşî yê şaranê Kurdîstanî, Rojhelatê Mîyanênî û dinya, pêro cinîyan û şaran rê fîraz kenê û cinîyanê ke rayberîya şorişî kenê û destkewteyanê xo pawenê selam kenê.''