Koordînasyonê PAJKî bi eşkerayîyêke 4ê Nîsane rojbîyayîşê Rayberê Şarê Kurdî Abdullah Ocalanî pîroz kerd û nê vatî:

''4ê Nîsane mîjdanê newe ra bîyayîşê şarê kurdî yo. Roja ke cuya azade aferîyaye û cinîya kurde newe ra resaye heqîqetî xo ya. Bîyayîşê Rayber Apoyî tarîxê şarê kurdî û cinîyan ê kurdan de wayîrê heqîqet û manaya pîle yo.  Cunke şarê kurdî bîyayîşê Rayber Apoyî sey bîyayîşê xo hesibneno. Rojbîyayîşê ey sey qedîyayîşê koletîye û bênasnameyîye yo. Rayraşîyayîşê azadîye yê Rayberîye bi ronesansê şarê kurdî û Rojhilatê Mîyanênî. Wextê vejîyayîşê Rayber Apoyî de estbîyayîşê şarê kurdî sînorê çînbîyayîşî de bi. Sere de dewleta tirke dewletanê ke Kurdîstan îşxal kerda şarê kurdî sey merdim û komelî nêhesibnayêne. Têkoşînê azadîye yo ke serkêşîya Rayber Apoyî de dest pêkerd derbeyêka pîle da hişmendîya nê dewletanê îşxlaker û qirkerdoxan ro û zerrîye û mezgê şarê kurdî de berzeyê hêvî, bawerî û cuya azade ramit.

Bîyayîşê Rayber Apoyî ra dima Kurdîstan de felsefeya mergî ra cuye ameye afernayene, ewro sey kulturê ke xurtî yeno ciwîyayene û dîyeno ciwîyayene. Fîkrê Rayber Apoyî çend mîyanê şaran de benê vila tesîrê qewimîyayîşanê Kurdîstanî dahîna zaf yeno vînayene ke tewr zaf cinîyan ser o tesîr kerd. Coka ewro têna cinîyê kurdan û Rojhilatê Mîyanênî nê cinîyê dinya zî azadîya fîzîkîye ya Rayber Apoyî wazenê. Dormeyê fîkranê Rayber Apoyî de têhetameyîş hêvî dano cinîyan û merdimîye. Hêzê hegemonî fîkranê Rayber Apoyî semedê sîstemê xo sey tehlukeyê pîlî vînenî. Seba ke nê tesîrê pîlî bişiknê zî şexsê cinîyan de bi şer, mirnayîş, talan û kulturê tecawuzî hêrişê ercanê komelkî û tarîxê ci kenê.

Rayber Apoyî emrê xo semedê azadîya şarê kurdî, cinîyan û merdimîye dayo. Seba ke nê têkoşînî biresno serkewtişî, bawerî û hêvî newe ra bikero ganî têkoşînêko bêhempa da. Rayberîya ma semedê azadîya cinîye, komel û merdimîye 24 serrî yo Îmrali de binê tecrîd û îşkenceyî de têkoşîno tarîxî dano.  Cinîyî, ciwanî, şarê kurdî û dostê ci vera nê têkoşînî Rayber Apoyî rê xo sey deyndarî vînenî. 8ê Adare û Newroze de ruhê têkoşînî yo ke vejîya meydan qerardarîya azadkerdişê Rayber Apoyî bi. Reyna qerardarîya tacîdarkerdişê têkoşînî bi.  Ma pê bawer ê ke ewro ra tepîya zî bi nê ruhî têkoşîn dewam bikero. Gerîlayanê azadîye pîya bi şarî adirê têkoşînî kerd berz. No têkoşîn do serkêşîya cinîyan de ser bikewo. Na çarçewa de ma rojbîyayîşê Rayber Apoyî reyna pîroz kenê û vanê azadîya fîzîkîye ya Rayberîye waştişê ma yo verên o.''