Koordînasyonê PAJKî bi wesîleya serrgêra Komployê 15ê Sibate  eşkerayîyêke daye û waşt ke vera komplo û tecrîdî  yê vera Rayberê Şarê Kurdî Abdullah Ocalanî  wa xoverdayîş wa bêro xurtkerdene.

Eşkerayîye ra tayî cayî wina yê:

''Ma sere de Rayberê xo  yo ke xoverdayîşêko xurt dano, bi hurmet  silam kenê û şexsê hemrayanê xo Halît Oral, Vîyane Caf, Umut Acar, Zulkuf û Zehrayan ê ke çarçewa  Şima Nêeşkenê Tîja Ma Tarî Bikerê de bedenê xo kerd çemberê adir bi minet yad kenê.

Komployê Mîyanneteweyî yê 15ê Sibate yo ke Rayberîya ma sey roja qirkerdişê kurdan name kerdbi keweno serra 22. la komplokerî ser nêkewtî. Waştişê komplokeran o yo ke Rayberîye û têgêrayîşê ma tasfîye bikerê û kurdan qir bikerê. Kurdê ke vera komployî bi qerardarîye xo ver danê planê komplokeran pûç vetî. Komplokerî ewro vera Rayberîya ma û Têgêrayîşê Kurdan o ke ey înşa kerdo de bin kewtî. Hevîya cuya azad a ke ameyêne waştene ke bêro şiktene rayîrê yewîyêka enternasyonalîste akerd. Dewleta tirke ya îşxalkere wazena ke ewro bi têwirêkê bînî komployî bidê ciwîyayene. Bi tecrîdî yeno waştene ke şar û Têgêrayîşê Azadîye raştîya Rayberîye ra biqerfnê. Ganî şarê ma û dostî vera nayî tewirê xo bi çalakîyan ramojnê û têkoşînî xurt bikerê.

Par rayberîya Leyla Guven de grevê vêşanîye ame kerdene û netîceya ci de  tecrîdê serê Rayber Apoyî qismêk ame şikitene la menga hezîrane ra dewleta tirke û komplokerî tecdîrî danê domnayene. No vera têgêrayîşê ma hêrişê îmha yo. Ganî vera nê hêrişan têkoşîn bêro girdkerdene. Ma sey Têgêrayîşê Cinîyan serra neweye sey serra azadîye verwazî kenê. Îqtîdarê AKPyî wextê xo yê tewr tehlukeyî ra ravêreno. Seba ke tengayîye de yê hêrişê xo kiriştê teberê sinorî. Seba ke çok nêdê, meqedîye pilpisin danê. Dewleta tirke ya faşîste bêhêz a. Bi paştdayîşê Yewîya Ewropa û Amerîka payra ya. Coka ganî xoverdayîş nika bêro xurtkerdene ke planê înan pûç berê vetene. Bi şîarê ‘Seba azadîye û vurayîşî ti zî wurze payan ser’ ma do têkoşînî xurt bikerê. Ma çalakîyanê şar û hermrayanê enternasyonalîstan silam kenê û vanê ke ma do vera komplokeran ser bikewê.''