5’ê Temmuze de teyareyanê şerî yê dewleta Tirkî herêma Qendîlî ser o hêrişêko hewayî kerdibi. Nê hêrişî de Endamê Konseya Serekîya Pêroyîye ya KCK’yî Dîyar Xerîb şehîd bibi.

Derheqê nê hêrişî de Koordînasyonê PAJK’î eşkerayîyêka nûştekîye weşanaye û vat ke “5’ê Temmuze de Endamê Konseya Serekîya Pêroyîye ya KCK’yî Dîyar Xerîb û hemrayê ma Şahîn (Abdulkadîr Aslan) û Devran hêrişê dewleta Tirkî ya îşxalkare de şehîd bîyî.

Ma şorişgêro pîl hemra Helmetî (Dîyar Xerîb) û embazê ke ê dir bîyî bi hurmet bi vîr anê. Ma hemra û keyeyanê hemra Helmet, Devran û Şahînî rê serweşîye wazenê û ma bale ancenê serê nê ke do hesabê nê qirkerdişê dewleta Tirkî bêro persayene.

Dewleta Tirkî seba bicaardişê plananê xo yê faşîst û kolonyalîstan wazena her bincewa erdê Kurdistanî îşxal bikero û têgêrayîşê azadîye yo ke bi serkêşîya Rayber Apoyî rayra şino zî tasfîye bikero. Na yewe ra muracatê her rayîrê leyminî kena û bi rayîrê ajanan şarê herême ser o zextan kena. Şehadetê hemra Helmetî hêrişêko tesadufî nêyo. Seba ke hemra Helmet Başûrê Kurdistanî ray o û endamanê sazîya Konseya Serekîya Pêroyîye ra yew o ke Rayberî seba înan vana ‘ê hetkarê min ê.’ No zî ramojneno ke embaz Dîyar Xerîb xusûsen ameyo hedefgirewtene.

Ganî dişmen rind bizano ke do hesabê her qirkerdişo ke serê erdê Kurdistanî de keno bêro persayene. Hemra Helmet sembol û qehremanê yewîya neteweyî ya Kurdan o. Ganî ma mucadeleyê ê rê wayîr vejîyê û dewleta Tirkî ya faşîste ra û ajanan ra hesab bipersê. Ma veng danê cinî û ciwanan ke vejîyê meydanan û razînêbîyayîşê xo yê demokratîkî ramojnê.”