Koordînasyonê Partîya Azadîya Cinîyan a Kurdîstanî (PAJK) bi mesajêkî sîyasetmedare Aysele Dogan yad kerde ke 11ê gulane de nêweşîya kanserî ra şehîd bîye.

Mesajê PAJKî wina yo:

''Ma zaf xemgîn ê ke serewedartoxe, milîtana serkêşe ya têkoşînê azadîuya cinîyan, sembola felsefeya 'puranêkê nanî û xirkayêke' embaza ma ya Aysele Dogana dêrsimije wefat kerdo. Aysele Dogan her hel û warê têgêrayîşê ma de, vernî de ca girewt. A milîtanêka serkêş a têkoşînê azadîye ya cinîyan û şarê Kurdîstanî bîye. Ma verê embaze Aysele de sereyê xo anê ca. Ma soz danê ke şexsê aye de rayîrê pêro şehîdan de bêmabên şorê û armancê înan bi serkewtişî tacîdar bikerê. Ma soz danê ke ma do binê teqîbkerdoxê nê têkoşînê heqîqatî yê cinîya azade, Kurdîstanê azadî û dinyaya azade. Sere de keyeyê Dogane rê ma pêro cinîyan û şarê ma rê serweşîye wazenê.

Aysele cinîyêka xoverdayox û serewedaritoxe ya Dêrsimîye bîye ke vera zulmî sere wedarit. Azadîye ra ber yew xeyalê ci çin bi. Aye tim seba cuya azade têkoşîn kerd. A Kurdîstan û teberê welatî de bi serran xeylêk waran de xebirîyaye. Seba azadîya cinîyan bê hesabêkî tewrê xebate bîye. Xeylêk kede daye, erjê pîlî afernayî û seba serkewtişê Têkoşînê Azadîya Cinîyan pêro mesuldarîyê xo ardî ca. Embaza ma Ayseşe vera sîstemê cînsîperestî, qirker û pederşagîye û dişmenî serkêşîya xoverdayîşêkê radîkalî kerde. A bawermenda felsefeya 'cuya mi şer bîye' ya embaze Sakîne Cansiz bîye. Bê şer û têkoşînî yew hela ci zî nêvîyarte.

Embaze Aysele Dogan bi qerardarîya milîtana şorişgêre serê prosesê tarîxî de şîye. Wexto ke seba haştîye hewce bi, aye bedelî dayî. Binê her şert û mercî de a ciwîyaye û ciwîyayîşê goreyê krîteranê şorişî xo rê kerdî esas.

Embaze Aysele Dogan wexto ke vera Rayberîye Komployo Mîyanneteweyî ame kerdene hêrs bîye, prosesê krîtîkî de bi qerardarî venga Rayberîye da û koma diyîne ya haştîye de ca girewy. Vera faşîzmê dewleta tirke aye binê şertanê zîndanî de zî tewirêko şorişgêr mojna. Embaze Aysele zanayêne ke şer û haştîye bêbedel nêbenê. Aye vera qirkerdişê fîzîlî, kulturelî û talanê vera cografyaya Kurdîstanî weş xo ver da. A bîye serkêşêka têkoşînê bi perspektîfê Rayber Apoyî, aye seba bawerîya elewîtîye û nasnameyê kurdan xîret kerd. Embaze Ayseşe cuya xo nê erjan ser o awan kerdî û her hele de seba azadîya cinîyan ê kurdan, şarê xo û erdê xo kede daye, erjê pîlî afernayî.

Embaza ma Aysele Dogan, sey temsîlkarêka tradîsyonê xoverdayîşî yê Besê, Zarîfe û Sakîneyan bîye sembolêka Têgêrayîşê Azadîye ya Cinîyan. Ma reyna şexsê embaze Aysele de soz danê pêro şehîdan ke Kurdîstanê azadî biafernê û ameyoxêkê azadî bidê.

Ma venga pêro şarê Kurdîstanî û cinîyan ê kurdan danê ke bi xurtî wayîrê Aysele Dogan vejîyê, aye bi xurtî pêşwazî bikerê û bigêrê verarê xo.''