PAJK’î Şehîda Azadîya Girde Sema Yuce yad kerde û vat, “Ma vengdayîş heme cinîyan rê kenê ke vera faşîzmî têkoşînê netewe yê demokratîkî xurt bikerê. Meşaleya ke Sema Yuce tafînaya ma biresnê heme cinîyan.”
Koordînasyonê PAJK’î seba serrgêra şehîdbîyayîşê Sema Yuce eşkerayîyêka nuştekîye pare kerde.
Eşkerayîye de ame vatene: “Ma Têgêrayîşê Cinîyanê Azadan û Têgêrayîşê Azadîye yê Kurdistanî prosesê tarîxkî ciwîyenê.” Û wina ame vatene, “Têkoşînê ma yê azadîye bi serkêşîya Rayber Apoyî averde şi, her ke şino gird beno, cinîyî zêdetir bi îdîaya girde ver bi azadîye rayra şinê. Bê şik û guman rayraşîyayîşê azadîye de serkêşîya Sema Yuceyan, Zîlanan, Bêrîtanan, Gulanan û Armancan de bîye sembole, seba têgêrayîşê azadîye yê cinîyan bîyî xeta mana. Ma 21’ine ya serrgêra şehîdbîyayîşê şehîda azadîya girde Şehîd Sema Yuce bi mînet yad kenê, meşaleya ke tafînaya û daya destê ma, heta cuyêka azade û welatêko azad ma destê xo ra waro nêdanê. Reyêka bîne danê zanayene ke seba ke bibê hemrayê Sema Yuce û û serê xeta Rayber Apoyî de biresê serkewtiş, faşîzmî birijnê û welatê xo azad bikerê her ware de, binê her şert û mercan de ma do têkoşînê xo dewam bikerê.”
