Partîya Azadîya Cinîyan ê Kurdîstanî (PAJK) serrgêra şehadetê ci de şexsê Sema Yuce de şehîdê hezîrane bi eşkerayîyêke yad kerdî. Yuce 21ê adara 1998î de seba protestokerdişê hêrişanê dewleta tirke û vera tasfîyeya PKKyî bedenê xo dabi adirî ver û 84 rojan ra dima şehîd bibî.

Eşkerayîye wina ya:

''Ma nê prosesêkê tarîxî de ke tede şerêko giran yeno kerdene, serrgêra 24. ya şehadetê ci de embaz Sema Yuce bi rêzdarî û hûrmetî yad kenê.

Embaze Sema Yuceya ke milîtanêka serkêşe ya têkoşînê ma ya û sey cinîyêka serewedaritox a ke Newroza 1997î de vera teslîmîyet û îxanetî tewirê xo dîyar kerd, seba Rayberîye û azadîye bedenê xo da adirî vr. Aye bi şîarê 'Ez wazena 8ê Adare ra ver bi 21ê Adare biba pirdêkê adirînî' morê xo da binê dewrî û terzê xoverdayîşî yê Zîlane de bîye yew. Embaze Sema Yuce 17ê hezîrane de şehîd bîye û bîye fedayîye.

Aye dêsê tarîyî yê zulmî parçe kerdî, şertanê zîndanî de raştîya Rayberîye û têkoşînê azadîye yê cinîyan kesayetê xo dew resnaye asta leweyî. Wayîrvejîyayîşê Îdeolojîya Azadîya Cinîyan û şexsê Zîlane de seba cinîyan ê azadan kesayetê aye de têgêrayî. Aye polîtîkaya esîrkerdişî ya dişmenî rew fam kerde, serê rayîrê Mazlûm Dogan, Kemal Pîr, M. Hayrî Dûrmûş û Çar Şoreşgêran de bîye milîtanêka serkêşe. Coka embaze Sema têkoşînê azadîye yê cinîyan de rolêko tarîxî ard ca. Qîrayîşê aye xoverdayîşê cinîyanê Zîlanwarîyan de zimîyeno. Hema zî qîrayîşê aye asmênê Kurdîstanî de, leweyanê berzan de, xoverdayîşê cinîyan de zimîyeno.

Embaze Sema wextê cinîyan da destpêkerdene. Embaz Fîkrî Baygeldî bi şîarê 'Ez wazena biba leşkerê fermandaran ê cinîyan' sey embaz Sema bi fedaî. Têkoşînê nê embazanê camêrdanê ke binê tesîrê têkoşînê cinîyan de mendê, wayîrê manayêka tarîxî yo. Vera hişmendîya serdestîya camêrdan têkoşînê cinîyan û camêrdanê azadan bêguman do cuya azade awan bikero.

Hişmendîya azadîye ya embaze Sema û Zîlane seke Rayber Apoyî vatbi 'No gandarbîyayîşo tarîxî û cinîye yo' kerd ke PKK bibo partîya cinîyan. Nika bi hezaran cinîyî bi heman ruh û hişmendî vera faşîzm û serdestîya camêrdan şer kenê. Xoverdayîşê Semayan bi terzê cuye, kulturê xoverdayîşî û sondê azadîye. Şerwanê azadîye yê cinîyê kurdî her cayê Kurdîstanî, zîndanan û waranê cuye de şer kenê, serkêşîya xoverdayîşî kenê.

Xoverdayîşê bi terzê Sema Yuce, cuya bi terzê Zîlane û şerê bi terzê Gulane raştîya Rayberîye ya. Raştîya Rayberîye zî caardişê azadîye yo. Binê fermanê şehîdan de û şerê azadîye de ma verê xo da serkewtişê şerê azadîye. Rayberîya ma partîyêka winasêne awan kerda ke serkewtişî ra ber rayîrêkê ci çin o û milîtanê azadîye yê winasênî awan kerdê ke serkewtişî ra ber armancêkê înan çin o. Coka PKK û PAJK do bin nêkewê. Coka Raybr Apoyî binkewtiş bin kerdo.

Şexsê embaze Zîlane de ma reyna şehîdanê pîlan ê menga hezîrane Zîlane (Zeynepe Kinaci), Gulane (Fîlîze Yerlîkaya) û şehîdanê ercîyayeyan Helmet (Diyar Xerîb) û Dr. Huseyîn bi rêz û hurmetî yad kenê. Ma reyna şehîdanê xoverdayîşî yê Zapî şexsê embazanê ma Mizgîne Ronahî, Şaristan, Agir, Şevîn, Bahoz, Rûmet, Armanc, Rêber û Cûmalîyî de bi rêzdarî yad kenê. Ma dîyar kenê ke verê artêşa şehîdan de bi mesuldarî têbigêrê, serkêşîya nê prosesî bikerê. Şehîdî averwazîya ma ya cuye pîl kenê, hêzê çinkerdişê dişmenî danê ma û mizgînîya serfîrazîye danê ma. Verê raştîya bi hezaran şehîdan de ke seba têkoşînî bedelî dayî û sey şerwananê ke xeta Rayberîye de şer kenê û têkoşşîn kenê ma sozê xo dibare kenê ke heman xete ser  de bibê yew.''