Koordînasyonê PAJKyî derheqê Komployê Mîyanneteweyî yê vera Rayberê Şarê Kurdî Abdullah Ocalanî de keyepelê xo de eşkerayîyêke weşana.

Eşkerayîye wina ya:

''Ma pê tewirê şehîdanê 'Şima nêeşkenê tîja ma tarî bikerê' û pê tewirê xoverdayoxî yê gerîlayanê Heftanîn û Garê serrgêra 22. ya Komployê Mîyanneteweyî pêşwazî kenê. Ma xoverdayîşê Rayber Apoyî selam kenê. Ma soz danê ke azadîya Rayber Apoyî bîyarê ca.

Komployê 15ê Sibate şexsê Rayber Apoyî de vera pêro cinîyanê têgêrayîşê azadîye, kurdan û merdimîye ame kerdene. No komplo pê armancê qesasî ame kerdene. La hêzê komplogerî plananê xo de ser nêkewtî. Dewleta tirke û hemkaranê ci seba ke verê kurdan û cinîyan bigêra Rayber Apoyî rê tecrîdêko mutlaq ferz kerd.

Pê tecrîdê vera Rayber Apoyî, îşxalê Efrîn, Serê Kanîyê, Xakûrkê, Heftanîn, Garê komplo dewam keno. Serrgêra nê komployî de dewleta tirke narey hêrişê Garê kerd. La a raştê xoverdayîşê bêhempayî yê gerîlayan ameye. Na qerardarî û xoverdayîşê gerîlayan Rayber Apoyî ra yenê. Îşxalê Garê yeno manaya îşxalê Başûrê Kurdîstanî zî. Ganî sere de şarê Başûrî cinîyî vera nê îşxalî vinderê.

Rayber Apoyî pê tewirê xoverdayoxî û kesayetê tarîxîyî komplo pûç kerd. Têkoşînê Rayber Apoyî, fikr û xîretê ey seba merdimîye yê. Rayber Apoyî binê şert û mercananê tecrîdê Îmraliyî de zî qet teslîmê dişmenî nêbi. Heta ke Rayber Apo Îmrali de bêro tepiştene cinîyî û merdimîye zî azad nîyê. Sere de cinîyê kurdî ganî pêro cinî û ciwanî seba Rayber Apoyî têkoşîn bikerê û ey azad bikerê. No wezîfeyo tarîxî yo û mesuldarîya her kesî ya. Ma do serra 23. ya komployî de pê berzkerdişê têkoşînî azadîya Rayber Apoyî bîyarê ca.

Xoverdayîşo tarîxî yê Rayber Apoyî ewro rayberîya cinî, ciwan û şarê ma de pêro dinya û Kurdîstanî de vila bîyo.  Hemleyanê ma yê 'Wext Wextê Azadîye yo' û 'Wextê Pawitişî Cinîyan û Komelî' seba têkoşînî warêko newe akerd. Misirî ra heta Afrîkaya Başûre her beşê komelî ra merdimî tewrê hemleyanê ma benê û azadîya Rayber Apoyî wazenê. Têkoşînê ma saya Rayber Apoyî de xo resna na aste. 

Roşnîya nê qewimîyayîşn de sere de cinî û ciwanê kurdî ma venga her kesî danê ke wa şexsê Rayber Apoyî de wayîrê îrade û nasnameyê xo vejîyê.  Ma venga pêro dostanê kurdan danê sînoran birijnê û pîya cuya azade awan bikerê. Ma venga pêro roşnvîr, nuştox, akademîsyen û hunermendan danê ke seba azadîya Rayber Apoyî têkoşînê xo berz bikerê.

Nê esasî ser o ma reyna hêrsê xo seba komplogeran anê ziwan û vanê heta ke azadîya Rayber Apoyî nêra caardene cinî, şar û merdimîye azad nêbenê.''