Koordînasyona PAJKî bi wesîleya serrgera 41. a ronayîşê PKKyî beyanatêk weşana.

Beyanat wina yo:

"PKKyî bi vateyê “Kurdîstan ameyo îşxalkerdene” dest pê şiknayîşê rêzila koledarîye ya Kurdîstanî kerd. Demo ke PKKyî dest bi xoverdayîşî kerd cinîyê ke ameyê kolekerdene, bêîrade ameyê veradayene û erjanê xo ra ameyê dûrî fîştene, bi na yewe amey hişê xo ser û bi xo hesîyayî. PKKyî mana da nirxanê komelê karker, kedkar, bindestan ê ke hetê desthelatdaran ra bêmana ameybî veradayene. Seba cuyêka azade, pîya û birûmetê, Rojhelatê Mîyanênî de PKK dets pê xoverdayîşêkê pêtî kerd. Ma serra 42. a xoverdayîşî, sazkerdoxê nê rayraşîyayîşê azadî Rayber Apoyî, şehîdanê xo, şarê xo yê kedkaro ke vera her tewir zametîyan xo ver dano, hemrayanê zindanan û cepheyan û dostanê xo rê pîroz kenê.

PKKyî Hêzo Felsefîk Afirna ke Gelek Serewedaritişan rê Bereyî Kerd

Seserra 21. de zî hêzanê hegomanîkan merd nîşanê şaranê Kurdîstanî û Rojhelatê mîyanênî da û bi nê awayî ê razîyê tewranî kerdî. Yew demo ke gefê çinkerdişî bi kedkar, cinî û etnîsîteyanê teberê desthelatdarîye rê ameyo werdiş, gelek îdeolojîyan rayîrê reyayîşî nîşan kerdêne. Metod û hacetê gelek îdeolojîyanê desthelatdarîye ra reynayîşî, bê desthelatdarî rayîrêko bîn nîşan nêdayêne. Rayber Apo zî kewt mîyanê cigêrayîşanê pênasî û sazîyanê têkoşînî yê newe yê teberê desthelatdarîye. Mîyanê sazbîyayîşê azadîya komelkî yê Seserra 20.e de partî sazîya sereke bîye. Labelê partî zî komel mîyanê tengîya serdest-bindestan ra nêreynayêne. Rayber Apoyî manayêka newe daye sazîya partîye û partîya ma newe ra amede kerde. Partîya ma ya newa afirnayîşê azadîya komelî de organîzebîyayîşêko eşkeno bibo bere xo rê esas girewt.

Hêzê Xoverdayîşî yê Vera Zaliman Newe ra Awan Kerd

PKKyî Hurrîyan ra heta Gutîyan, Împaratorîya Med-Persî ra heta dînê Zerdeştî, Koçgîrî ra heta Dêrsimî, Tevgera Azadî ra heta Xoverdayîşê Berzencî, Simkoyê Şîkakî ra heta Osman Sebrî nirxanê verênan ê xoverdayîşî ra sûd girewt û hêzê xoverdayîşî mîyanê bi mîlyonan merdiman de afirna. PKKyî bi xoverdayîş, vera polîtîkayanê asîmîlasyonî û koledarîya cinîyan de wariştiş payan ser û tarîxê şorişî de rîpelêko newe afirna.  Seba ke her game de bi hawayêkê azadî biciwîyê, têkoşînê azadîya cinîyan kerd bereyê têkoşînê şorişî. Bi cinnîyanê azadan û têkoşînê azadî yê kurdan bî cîhanî.

Şaranê Bindestan rê Bî Hêvî

PKKyî yo ke Kurdîstanî de planê hegomanya merkezî tede berd, şaranê dinya rê bî çimeyç sûdgirewtişî. Felsefeya Rayber Apoyî ya ke nirxê komellkî nirxê azadîya cinîyan de kerdî yew, têkoşînê azadîye de vurîyay nêzdîbîyayîşê neweyî ser. Cinîyê kurdan şexsê Hemra Sakîne Cansize de sey cinîyanê ke verê zaliman de zanî nênanê ro yenê naskerdene

Ma do Têkoşînê Azadî Geş Bikerê

PKKyo ke verê zaliman de zanî nênayo ro wayîrê hêzê çareserî yo ke eşkeno krîzê herême û yê dinya çareser bikero. Wa şarê ma û hemrayê ma pê bizanê ke nê prosesî yo ke ma ci ra Şerê Dinya yo Hîrêyin vanê pirê zor û zehmetîyan o. Eynî wextî de proseso winasî yo ke bi xoverdayîşê rûmetî yê pêtî yê Rayberê ma, tavgera ma, kadroyanê ma, şar û dostanê ma serkewtişêko pîl biafirnê. Dişmenê ma wa baş bizanê ke PKK bi xoverdayoxî û biredarîya Rayber Apoyî, bi qehremanîya Hakîyan, Kemalan, Agîtan, Sarayan, Şîlanan, Rusteman, Reşîtan, Simkoyan û Çîçegan rest na sewîya û rojo meştênî awan keno. Bi nameyê PAJKî ma serrgêra ronayîşê PKKyî ke yeno mana roşanê candarbîyayîşî Rayber Apo, şehîdan, dayik û şarê ma yê qehreman û hemrayanê xo rê pîroz kenê.