PAJKî 4ê Nîsane rojbîyayîşê Abdullah Ocalanî pîroz kerd û veng da cinîyan ke wa pê heme hêzê xo çarçawa Hemleya ''Wextê Azadîye yo'' de heta azadîya fîzîkîye ya Ocalanî têkoşînî pîlêr bikerê.
Koordînasyonê PAJKî biwesîleya 4ê Nîsane rojbîyayîşê Rayberê Şarê Kurdî Abdullah Ocalanî eşkerayîyêka nuştekîye daye.
Eşkerayîya PAJKî wina ya:
''4ê Nîsane rojbîyayîşê Rayber Apoyî yo ke yeno manaya ke kurdîstanijî û cinîyî seba cuyêka azade newe ra dadîya xo ra bîyî, şarê Kurdîstanî rê, cinîyan û şarê Rojhelatê Mîyanênî rê pîroz bo. Ma şexsê Şehîde Nuda Karkerî de heme şehîdanê xo bi hurmet yad kenê û sozê azadîya fîzîkîye ya Rayber Apoyî danê.
Wisarê 1949î de herra Kurdîstanî de bîyayîşê cuya newîye qewimîya. Nameyê nê bîyayîşî rojbîyayîşê Rayber Apoyî yo. Bîyayîşê Rayber Apoyî bi xelisyayîşê kurdan ke bertengê çînbîyayîşî de bî. Rayber Apo semedê cinîya kurde, şarê kurdî û semedê heme şaranê ke herra Mezopotamya de ciwîyene rê bi tarîx, bi hêvîya cuya azade.
Rayber Apo rojbîyayîşê xo şexsê xo de bi afernayîşê merdimê azadî û resayîşê zanayîşî sey rojbîyayîşê hîrênî name keno. Rayber Apo zîhînîyet û Îdeolojîya serdestî yê panc hezar serran ya vera komel û cinîyan sey tehlukeyê pîlî pênas kerd û rayîro tewr radîkal ê têkoşînî vîjna. Rayber Apoyi şexsê xo şorişê wîjdanî kerd. Bi nê afernayîşê pîlî paradîgamaya modernîteya demokratîke, felsefe û fîkrê xo aver berdî û cinîya azade û merdimo azad afernayî.
Rayber Apoyi bi wezîfeyê tarîxkî û fedakarîye berpirsîyarîya nê kultur girewte xo ser. Coka sîstemê modernîteya kapitalîste o hedef girewt û komplo kerd. Ewro tecrîdo girano ke vera Rayber Apoyî yene rayraberdene vera kesayetê ci yê xoverdayoxî yo. Ma sey cinîyan ê kurdan bi bîyayîşê Rayber Apoyî estbîyayîşê xo newe ra girewt dest. Seba ke Rayber Apoyî semedê azadîya ma zaf kede daye ma her kesî ra zafêr xo ey rê deyndar vînenê. Ma sey cinîyan ê kurdan tewr zaf semedê azadîya fîzîkîye ya Rayber Apoyî xo berpirsîyar vînenê û ma semedê têkoşînê nayî qerardarê.
Nika weşîye û asayîşê Rayber Apoyî binê tehlukeyî de yo. Heta ke Rayber Apo Îmrali de tehluke do dewam bikero. Ganî ma têkoşînî pîlêr bikerê radîkal bidê rayraberdene. Fedayîyanê Rayber Apoyî qerardarîya xo xoverdayîşê Garê de ramojna. Reyna 8ê Adare û Newroze de zî mesajê wayîrvejîyayîşê Rayberîye ameyî dayene. 4ê Nîsane de ganî şarê ma Rayberîye rê heskerdiş û girêdayîya xo her cade ramojnê, û semedê rojbîyayîşê ey leyan ronê. Na çarçewa da ma reyna rojbîyayîşê Rayber Apoyî pîroz kenê û semedê xurtkerdişê têkoşînî veng danê. Bitaybetî cinîyî wa bi heme hezê xo tewrê Hemleya ''Wextê Azadîye yo'' bibê heta azadîya Rayber Apoyî wezîfeyê xo yê serkêşîye bîyarê ca.''
