Koordînasyonê PAJKî derheqê şehadetê Endamê Konseya Rayberdişî ya KJKyî Fîlîze Aslan (Leyla Agirî) de eşkerayîyêka nuştekîye daye.

PAJKî vat: ''Embaza Leyla Agirî ya ke têkoşînê azadîye yê cinîyan ê Kurdîstanî de  serkeşîye kerdêne hêrişê artêş a tirke de şehîde bîye. Sere de cinîyê ke semedê azadîye têkoşîn kenê  sereyê şarê ma û keyeyê ci yê welatperwerî wa weş bo. Ma soz danê ke ma do waştişê aye şorişê azadîye bîyarê ca.

Nameyê Leyla tarîxê têkoşînî ra Leyla Kasiman ra heta Leyla Kaplanan, Leyla Walî Huseyinan ra heta Leyla Agirîyan he cayê Kurdîstanî de bi nameyê cinîya têkoşere yo hempar û do ewro ra tepîya zî wina dewam bikero.

 Embaza Leyla wexto ke 1995 de Rayberîye dir ameye têhet azadîye de ameye sozkerdene û  awir eşt serkwtişî hêzê neweraafernayîşî fîna dest. Dima ra bi felsefeya Rayber Apoyî xo aferna û aver berd. Pê mîlîtanayîya xo tim sere berz bî. Bi nê bawerî û her cayê têkoşînî de serkeşîye kerde û înşayê konfederalîzmê demokratîkî de rolêko xurt kay kerd. Rixmê heme zehmetîyan moral û coşê xo yê şorişgêr pawit û azmê serkewtişî kirişt. Artêşbîyayîşê cinîyan de bîye îradeyo asin bi hîşmendîya xelisîyayşîşî patîbîyayîşê cinîyan de bîye cinîyêka jîhate.

Hemra Leyla têkoşînê azadîye yê cinîyan de, YJA STAR, PAJK, KJKyî de fermandarîye, îdarekarîye û serkeşîye kerde û rolê xo bi serkewtişî ard ca. Seba ke hemra Leyla nasnameyê mîlîtanî yê Apoyî temsîl kerdêne hetê dewleta tirke ra sey hedefe ameye girewtene. Hemra Leyla  semedê têgêrayîşê ma yê azadîye bîye sondê qesasî ke do têkoşînê ma bireso serkewtişî. Vîrardişê hemraya Leya do rayîrê têkoşînê ma roşn bikero. Ma do têkoşînê mîlîtana serkeşe  hemra Leyla biresnê serkewtişî ke heme cinî û bindestî bibê azad.''