Koordînasyonê PAJK’î, bi wesîleya serrgêra şehadetê Zeynep Kinaciya (Zîlane) ke serra 1996 de, Dêrsim de çalakîya fedaîye viraşte eşkerayîyêka nûştekîye daye. PAJK’î vat, “Hemraya ma Zeynep Kinaciya (Zîlane) ke manîfestoyê ma yê Partîbîyayîşê Cinî ya û xeta ma ya fedaî ya, ma serrgêra 24’ine ya şehadetê aye de a bi esasê peymana xo ya cinîya azade, welato azad, Rayberîya azade de bi vîr anê, hurmetanê xo yê bêpeynîyan pêşkêş kenê.”

Eşkerayîya PAJK’î de nê ameyî vatene:

“Rixmê heme rayravetiş, demogojî û hêrişanê dişmenî û sîstemê serdestî yê camêrdî de xeta Rayberîye rastîya cinî ya Zîlane veta werte. Hemraye Zîlane, bi çalakîya xo ya hemverê komplokarîya mîyanneteweyîye ya teşebusê suyîqestî yê 6’ê Gulan a 1996’î yê vera Rayberîya ma û hemverê operasyonanê îmhakerdişî yê dişmenî yê vera gerîlayan bîya wayîra qerar û çalakîya pîle û tarîx nûşto. Cewabo ke Rayberîya ma dayo vengdayîşê hemraye Zîlane bîyo xetî û prensîbê awanbîyayîşê PAJK’î û îlanê îdeolojîya azadîya cinî. Hemraye Zîlane ke bîya îfadeyê sîstemê kulturê cinsîyetkîyî û kolonyalîstî ra visîyayîşî û bîya sembolê virazîyayîşê îradeyê cinîya azade, Kurdistan de bîye nameyê cuya newî. Zîlanbîyayîş, mezgê kolonyalîzmî û yê sîstemê serdestî yê camêrdî de bi teqayîşêko îdeolojîk, bi estbîyayîşê bi xopawitişî, heman wextî de bi îdîa û qerarê afernayîşê sîstemê cimatê azadperwerîya cinî. Naye ra ma tena sey çalakîyêka fedaî ya leşkerî ya serkewtî nêeşkenê biewnîrê rastîya Zîlane ra. A prensîb a. Prensîbî ra fekveranêdayîş a, xeta şehîdan ra fekveranêdayîş a. No zî ma ser o biserfînayîşê şorişî ferz keno. No do bibo sondê ma yê pêgirewtişê şehîdan û pratîkê ma. Şehîdê ma yê berzî yê ke şertanê nêaleladeyan ê zoran de mucadeleyê azadîye rayra berdî, çi bi zî astengîye nas nêkerde û şertanê tewr giranan de zî rayîrê serfirazîye akerd xeta partîye de yenê manaya serkêşî û zelalîye. Rastîya şehîdan pratîkbîyayîşê yewîya îdeolojîk-leşkerî-polîtîke yo.

Hemraye Zîlane ya ke dewrê xo de tam wext de tehlukeyî dîyî û bi çalakîya xo mudaxele kerd, tena dewrêk rê nê, tarîxî rê serkêşîye kerde. Ewro zî îqtîdaro faşîst ê AKP’yî ke înkar û îmhakerdişê Kurdan û qirkerdişê cinîyan hîna kerdo pêt û hetêna ra zî hemkarî û îxanetê Barzanî yo ke paştîya xo daya ci resayo rehendê tewr bitehlukeyî. No sîyasetê komplokarîye de israrkerdiş o. Wina ke polîtîkaya Barzanîperwerîye ya ke heme destkewteyanê Kurdan pêşkêşê dişmenî kena, vatişê ‘Kurdê tewr rindî Kurdê merde yê’ yê dişmenî rê xizmet kena û bi paysernayîşê cenazeyan îhtîşamê xo yê îqtîdarî pawena ganî bêro çinkerdene. Gama ke her tewir hêrişê dişmenî û na xeta komplokare û îxanetkare bêro binfînayene do vengdayîşê Zîlane bireso meqsedê xo. Xeta Zîlane ya ke dişmenî qehr kena de şerkerdiş, mucadelekerdiş, hemverê îxanetî de vindertiş ziwan û çalakîya dewrî ya. Sondê ma yê hemverê dişmenî û îxanetî sondê Zîlane yo. Sere de cinîyî û ciwanî ma veng danê heme şarê xo ke bi ruhê yewîya neteweyîye û serhildanan nê dewrî rê bibê cewab.”