Koordînasyonê PAJKî  bi wesîleya serrgêra Xoverdayîşê 14ê Temmuze eşkerayîyêke daye. Eşkerayîye wina ya:

''Ma serrgêra 39. ya Xoverdayîşê 14ê Temmuze de şexsê Kemal Pîr, Hayrî Durmuş, Akîf Yilmaz û Alî Çîçekî de pêro şehîdanê têkoşînî bi rêzdarî û minetî yad kenê. Ma xoverdayîşê zîndanan, xoverdayîşê gerîlayan, hemle, şer û têkoşînê gerîlayan selam kenê û soz danê ke esasê perwerîya şehîdan de têkoşîn berz bikerê.

Tarîxî ra heta ronîyayîşê PKKyî şarê kurdî seba ke kultur, erd û estbîyayîşê xo bipawo xo ver da. Kulturê xoverdayîşî Kurdîstan de bi şiklê cuya şarê ma. La semedo ke tay reyan bêrayberîye xoverdayîşo bêhişmend qewimîya şarê ma dejê pîlî antî. Xoverdayîşê 14ê Temmuze bi hawayêkê bêhempayî vejîya werte. No xoverdayîş pê mtodanê neweyan ê têkoşîn, îdeolojî, felsefe û bawerîye aver şi. No têkoşîn pê raştîya Rayber Apoyî ame afernayene. Kurdîstan de bezreyê nê têkoşînî ronîyayî û vurîya têkoşînê şarî. Xoverdayîşê 14ê Temmuze vera dewleta tirke ya faşîst çar parçeyanê Kurdîstanî de bi destpêkê agêrayîşê kokê xo. Şarê kurdî semedo ke nasnameyê azadî û cuya azade biaferno wayîrê nê xoverdayîşî vejîya û kêna û lajê xo yê tewr rindî kerdî binê erdî. No xoverdayîş rayberîya Sara, Kemal û Hayrîyan de bi destpêkê Hemleya 15ê Tebaxe û şerê şarî yê şorişgêrî. Vateyê 'Xoverdayîş ciwîyayîş o' Kurdîstan de bi esasê felsefeya cuya azade.

Embaz Kemalo ke rayberê Xoverdayîşê 14ê Temmuze bi pê vateyê 'Ma cuye ra hende hes kenê ke eşkenê oxirê ci de ganê xo feda bikerê' xoverdayîşê înan îfade kerd. Xoverdayoxa pîle embaze Sara no xoverdayîş wina îfade kerd: 'Xoverdayîşê 14ê Temmuze proseso winasên nîyo ke biqewimîyo û biqedo. No xoverdayîş pê pêro hetanê xo tarîxê şarê kurdî eşkera keno.' Xoverdayoxanê 14ê Temmuze pê nê ferasetî mesuldarî û wezîfeyê xo ardî ca. Pê nê xoverdayîşî polîtîkaya qirkerdişî ya vera kurdan derbêka girane werde. Rayberanê 14ê Temmuze vera xeta îxanet û teslîmîyetî milîtanî û şorişgêrîye weçînaye û cewab da îşxalkeranê Kurdîstanî. 

Nê prosesê tarîxî û giranî de Xoverdayîş û ruhê 14ê Temmuze pê hemleya şorişgêre rayberîya gerîlayan de Zap, Metîna û avaşîn de yenê caardene. Ewro dewleta tirke û hemkarê ci pê ferasetê Darbeya 12ê Êlule  hêrişê şarê ma û têgêrayîşê ma kenê. Hêrişê tewr pîlî vra Rayberîya ma yenê kerdene. Senî de vera Darbeya 12ê Êlule û hîşmendîya faşîste xoverdayîşo tarîxî amebi kerdene ewro zî vera hêrişan, tecrîd û plananê tasfîye pê ruhê 14ê Temmuze xoverdayîşo topyekûn yeno kerdene. Vera hêrişanê dewleta tirke û hemkaranê ci zîndanan de pêro embazê ma, gerîlayî û şarê ma şer kenê. Gerîlayê YJA-Starî û HPGyî pê tewirê Kemal, hayrî, Akîf û Alî Çîçekan, pê ruhê embaze Sara Zap, Avaşîn û Metîna de xo ver danê. Eke ewro dewleta tirke û hemkarê ci nêeşkenê vera têgêrayîşê ma ser bikewê no xeyrê Xoverdayîşê 14ê Temmuze ra yo. Vera hêrişanê ke 23ê nîsane de dîyabi destpêkerdene şarê ma pê perwerîya Rayberîya, gerîlayî pê xoverdayîşê xo mesaj danê dewleta tirke û vanê 'Planê şima yê hêrişan çen pîl bibê zî do ser nêkewê.'

Nê esasî ser o têkoşînê şarê ma, xoverdayîşê embazanê zîndanan û gerîlayan rêçê Kemal û Sarayan de serrgêra 39. ya Xoverdayîşê 14ê Temmuze deasta newîye ya têkoşînî de yê. Destpêkerdişê serrgêra 40. de mesuldarî û wezîfeyê neweyî kewenê ma milî. Ma sey têgêrayîş û şarî hêrişanê neweyan reyde têrî yê. Nê hêrişî pê pîlkerdişê ruhê 14ê Temmuze yenê binkerdene. Ma sey milîtan, kadroyan û partîye se beno wa bibo, hêrişî çend giran zî binê vera nê hêrişan pê ruhê 14ê Temmuze xo ver bidê û ser bikewê.

Esasê na bawerî û qerardarîye de ma reyna rayberanê Xoverdayîşê 14ê Temmuze, şexsê înan de pêro şehîdanê şorişî pê minet û rêzdarî yad kenê. Ma sozê xo yê seba şehîdan dibare kenê.''