Koordînasyonê PAJKî bi wesîleya serrgêra 17. ya çalakîya Vîyane Soran de eşkerayîyêke daye. Eşkerayîye wina ya:

''Hêzanê komplogeran 15ê sibata 1999î de pê tepiştişê Rayber Apoyî waşt ke îradeyê şaran û cinîyan çin bikerê, têgêrayîşê PKKyî tasfîye bikerê û şarê kurdî reyna qir bikerê. Rayber Apoyî û şehîdanê ma pê xobverdayîş û ruhê fedayî cewab da nê komplogeran. Hemraya Vîyane 2006 de bi tewirê qerardarî vera komplogeran, sey mîlîtana cinîye çalakîye kerde.  Hemra Vîyane her hela xo pîya bi Rayberîye ciwîyaye. Sey cinîyêka başûrij eşqê xo yê cinîya azade xeta azadîya cinîyan a Rayberîye de dîye.  Bi na berpirsîyarîya tarîxî vera komplogeran tewir girewt û mojna ke senî pabesteya Rayberîye ya.

Komployê vera Rayberîye pê tecrîdê giranî dewam keno.Vera sîyasetê tecrîd û komloyî têgêrayîşê azadîye yû şarê serkêşîya gerîlayan de têkoşîn yeno dayene. Semedê azadîya fîzîkîye ya Rayber Apoyî têkoşîn yeno kerdene. Çar parçeyanê Kurdîstanî, Rojhelatê Mîyanenî û dinya de ruhê Vîyanen û dormeyê Rayberîye de çeperê adirî ameyo raameyene. Hemra Vîyane Soran na xete ser o bîye mîlîtana serkêşê ya partîya  ma û paradîgmaya Rayberîye. Pê paradîgmaya Rayber Apoyî û felsefeya Jin, Jiyan azadî têkoşînê azadîye mûnt. Hemraya Vîyane bi tewirê xo yê vera komplogeran,tarîxê têkoşînê azadîye yê cinîyan de mojna ke senî pabesteya Rayber Apoyî ya. Xeta hemra Vîyane vera hemkarîya PDKyî û xîyanetî xeta têkoşînî ya. Na xete ewro Başûrê Kurîstanî de hetê cinîyan û ciwanan ra yena wayîrvejîyayene. Ma do bi şîarê Şima nêeşkenê tîja ma tarî xeta hemraya Vîyane de vera komplogeran têkoşînî girdêr bikerê.''