Şaristananê Bielefeld û Berlinî yê Almanya de seba daşinasnayîşê paradîgmaya Rayberê Şarê Kurdî Abdullah Ocalanî  hetê aktîvîstanê JXKyî ra standî ameyî akerdene.

Paytextê Almanya Berlin de Cinîyan ê Wendekaran ê Kurdîstanî (JXK) çarçewa Kampanyaya 'Wext Wextê Azadîya Abdullah Ocalanî yo' de standê bi nameyê 'Ma Rayberîye wanenê' akerd. Stand de versîyono almankî yê Manîfestoyê Modernîteya Demokratîke, qiseykerdiş û nuşteyê Abdullah Ocalanî dîyayî şinasnayene. Cinîyan vilawekî vila kerdî û îmzayî arê dayî.

Bielefeld de zî aktîvîstanê JXKyî  stand de paradîgmaya Ocalanî daye şinasnayene, kitab û broşurî vila kerdî. Aktîvîte de derheqê fikrê Ocalanî yê serê Konfederalîzmê Demokratîkî de zî agahîyî ameyî dayene. Ciwanan pê vengêkê berzî kitabê Ocalanî wendî.