Paytextê Fransa Paris de Platformê NousToutesî (Ma pêroyî) yo ke tedê  60 rêxitinê cinîyan ca genê  bi wesîleya 25ê Teşrîna Peyêne  û 20ê Teşrîna Peyêne Roja Heqanê Domanan a Dinya  vera pedofîlî û şîdetê vera domanan çalakîyêke organîze kerde.

Cinîyê ke bi renganê xo yê cîya cîyayan Meydanê Republique de ameyî têhet bi pankartanê ''Xo bipawe'', ''qirkerdişê cinîyan rê beso'', ''şîdet hetê sîtemî ra yeno afernayene'' rayra şîyî. Têgêrayîşê Cinîyan ê Kurdan zî  bale ante  Sakîne Cansiz, Fîdane Dogan û Leyla Şaylemez yê ke Paris de ameyî qetilkerdene û qirkerdişê Efrînî ser. Cinîyan bi onlîkanê “Xwebûn, xwe parastin, jin, jiyan, azadî-Sara, Rojbîn, Ronahî”  qovendê Balekanî girewt. Çalakîye de vilawekê TJK-E ameyî vilakerdene.