Festîvala Cinîyan a Fîdane Dogan (Rojbîne) a 4. 3ê temmuze de Paris de do bêra kerdene. Festîvale do pê şîarê 'Vera qirkerdişê cinîyan wext wextê pawitişê cinîyan ê azadan û komelê azadî yo' warê Parc Interdepartementalî yê herêma Paris Val De Marne de do bêra kerdene.

Festîvale emser şexsê Fîdane Dogan de dîyarîya Sakîne Cansiz, Leyla Şaylemez û Endama Konseya Rayberdişî ya KCKyî Leyla Agirî do bêra kerdene. Bernameyê festîvale de Yelda Abbasî, Nûarîne, Merale Alkan, Reqsên Gelê Tamîlê, Kevana Zêrîn, Koma Govende ya Tev-Çandî do ca bigêrê.

Festîvale de vera pederşahîye, qirkerdişê cinîyan û dewleta tirke ya îşxalkere çalakîyî do bêrê kerdene. Festîvale de seba domana warê kaykerdişî, standê agahîyî yê kulturê kurdan û têkoşînê cinîyan do ca bigêrê. Festîvale 3ê temmuze de roja şemeyî do bêra kerdene.

Komîteya Amadekare venga pêro cinîyan ê kurdan, têgêrayîşanê femînîstan û pêro cinîyan da ke tewrê festîvale bibê.