Paris de 4. Festîvala Cinîyan a Fîdane Dogan (Rojbîne) bi coşêkê pîlî û bi şîarê 'Vera qirkerdişê cinîyan wext wextê pawitişê cinîyan ê azadan û komelê azadî yo' ameye kerdene. Festîvala emserîne dîyarîya Endama Konseya Rayberdişî ya KJKyî Leyla Agirî (Fîlîze Aslan) ameye kerdene.

Senatorê Val de Marne Laurence Cohen tewrê festîvale bi û waşt ke sere de Abdullah Ocalan ganî pêro tepişteyê sîyasîyî bêrê veradayene. Festîvale de vilawekê KJKyî ameyî wendene û tay çalakîyî ameyî kerdene.

Çalakîya standî de derheqê têkoşînê cinîyan ê kurdan de agahîyî dîyayî. Festîvale de Yelda Ebbasî, Nûarîne, Merale Alkan, Koma Govende ya Tamîlan û Kevana Zêrin vejîyayî sehne ser.