Paytextê Fransa Paris de 3ê temmuze de reya 4. Festîvala Cinîyan a Fîdane Dogan do bêra kerdene. Festîvale do rayberîya Têgêrayîşê Cinîyan ê Kurdan ê Fransa (TJK-F) de pê şîarê 'vera qirkerdişê cinîyan wext wextê pawitişê cinîye û komelê azadî yo' û Parc Inderdepartemental de bêra kerdene. 

Festîvale emser dîyarîya Endama Konseya Rayberdişî ya KJKyî Leyla Agirî (Fîlîze Aslan) yena kerdene. Festîvale de Yelda Abbasî, Nûarîne, Merale Alkan, Lîstikên Gelê Tamîl, Kevana Zêrîn û tîmê govende yê TEV-ÇANDî do ca bigêrê.

Endamanê Komîteya Amadekare ANFyî rê qisey kerd û pare kerd ke Strasbourgî û Parisî ra xeylêk merdimî do tewrê festîvale bibê. Komîte venga pêro kurdan, dostanê înan û têgêrayîşanê femînîstan da ke wa tewrê festîvale bê.