Newroza tewr manadare koyanê Kurdîstanî de yena fîrazkerdene. Adirê Kawayê Asînkarî koyanê Kurdîstanî de geş beno û zerrîya faşîzmî vêşneno. Gerîlayanê YJA-Starî mesajê Newroze dayî.

Gerîla Eznare Yilmaz  vat: ''Ma nika koyanê azadan de pê kelecanî Newroze fîraz kenê. Se beno wa bibo ma do ruhê Mazlûman  her warê Newroze de geş bikerê.  Dewleta tirke nêeşkena adirê NEwroze hewna bikera. Ez venga pêro cinîyan dana ke wa tewrê PKKyî bibê û raştîya dişmenî bişinasnê. Ma do pê adirê Newroze zerrîya îşxalkeran bivêşnê.''

Gerîla Havîne Arjîn vat: ''Ma pê ruhê Garê Newroze pêşwazî kenê. Ma do pê nê ruhî ser bikewê.  Ma do rojanê fîrazan ê winasênan de azadîya Rayber Apoyî pêşwazî bikerê. Ma soz danê ke ma do qesasê embazanê xo bigêrê û  adirê Newroze geş bikerê. Biciwîyo Rayber Apo, biciwîyo xoverdayîşê Mazlûman.''

Gerîla Serhildane Can vat: ''Newroze serê koyan de berz bena û  a ma rê rûmetêko tewr pîl o. Pê ruhê xoverdayîşê Garê ma do ser bikewê û wextê azadî de Rayberîya xo reyde biciwîyê. Ma soz danê ke rayîrê înan de têkoşînê xo xurtêr bikerê. ''