Sîyasetmedara kurde Aysele Tugluk rixmo ke nêweşa demansî ya hema zî Zîndanê Kandira de tepişîyena.

Meclîsê Mayanê Haştîye yê Êlihî, Tevgera Cinîyan ê Azadan (TJA) û Meclîsê Cinîyan ê HDPyî Pirdê Malabadî yê Êlihî ser o pankart û fotografê Aysele Tugluk daliqnayî. Vervatoxa Meclîsê Cinîyan ê HDPyî Ayşe Acar Başaran, Wekîla HDPyî ya Êlihî Feleknase Uca û xeylêk aktîvîstê TJA tewrê çalakîye bîyî.

Cinîyan dima ke posterê bi nuşteyê 'Wa Aysele Tugluk bêra veradayene' pird de daliqna, pê çepik û sloganan çalakîya xo qedînaye.