Endamanê Platformê Cinîyan ê Dêrsimî ê ke Meydanê Seyîd Rizayî de  ameyî pêser vera xespkerdişê şaredarîyanê Amed, Wan û Mêrdînî hêrsê xo ard ziwan û vat ê do verê zext û hêrişan de çi rey çok nêdê.

Eşkerayîya ke hetê hemsereka HDP’yî yê Bajarî Ozlem Tekîne ra ameye wendene de ca dîya nînan: ‘’Îqtîdar weçînitiş de vînî kerd bi qeyûman, bi rayîranê bêhuqûqîyan dest na şerdarîyan ser.  Qeyûm îradeyê şarî rê derbe yo. Qeyûmî verî destkewteyanê cinîyan hedef gênê. Ma qeyûmanê verînan de zî dî ke ê verî hêrişê cinîyan kenê. Ma sey cinîyê Dêrsimîjî xespkerdişê îradeyî qebûl nêkenê û vanê ke ‘Ma huşnêkene, nêtersenê, îtaat nêkenê’. Ganî heme cinî, rêxistinê cimatê sivîlî wayîrê sîtemê hemserekîye ya ke destkewteyê mucadeleyê cinîyan a vejîyê û vera hêrişanê serê şaredarîyan vengê xo berz bikerê. Ma  do pêro pîya mucadele bikerê û ser bikewê.’’