16ê adare de sereştişê keyeyan de Amed de 25 cinîyî ameybî destbendkerdene. Platformê Cinîyan ê Dêrsimî vizêr Kuçeyê Hunerî yê Dêrsimî de eşkerayîyêke daye û vera tedayanê vera cinîyan nêrazîbîyayîşê xo mojna.

Sekretera Egitim-Senî ya Dêrsimî Raîfe Yilmaz eşkerayîye wende.

Yilmaze da zanayene ke serdestîya camêrdan seba ke rêxistinîya cinîyan bişikna xîret kena û vat: ''Bedelê ci çi beno wa bibo nê tepiştiş, destbendkerdişî û tedayê ke bi armancê krîmînalîzekerdişê têkoşînê cinîyan yenê kerdene, do nêeşkê cinîyan bitersnê yan zî cinîyan rayîrê înan ra abiçarnê. Ma do tim vera serdestîya camêrdan û dewlete têkoşînê xo rê dewam bikerê. Embazê ke Amed de bi hawayêkê bêhuqûqî ameyê destbendkerdene wa cade vera bidîyê. Ma do her cade paştdayîşê xo bîyarê ca û vera camêrd-dewlete sereyê xo mearê war.''