Dersîm de semedê nuştox Emiralî Yaganî aktîvîteya Veyveyê Kitaban “Veyvê Kıtavu-5” ameye organîzekerdene. Platformê Cinîyan ê Dêrsimî seba ke kaybazê sînema Volga Sorgu yo ke bi şîdetê vera cinîyan amebi rojdem, na aktîvîte rê ame dewetkerdene, nêrazîbîyayîş ramojna.

Eşkerayîye de ame vîrardene ke cinîyan ê Dêrsimî verî zî vera nayî nêrazîbîyayîş ramonayo û ame vatene ke Voga Sorguyî bi mesajan nê cinîyan rê heqeret kerd û ê tehdît kerdî. Reyna çapenîya ke na eşkerayîye daye zî raştê heqeretanê Sorguyî ameye. Platformî da zanayene ke seba ke tay kesan kerdoxê şîdetî rê îtîbar ramojnayo înan rê muracat ame kerdene.

Cinîyan vat: ''Ma cinîyî têna vera şîdetê fîzîkîyî nê vera her qeyde şîdetê camêrdî paştî danê yewbînan û têkoşînê xo pîlêr kenê. Ma zanê ke eke yew cinî re şîdet bibo qet yew cinî asayîş de nêya. Coka nma tim pîya têgêrenê û têkişte rayra şinê. Ma veng danê ke Volga Sorgu wa şîdetê xo yê ke medyaya sanalî ra domneno caverd û cinîyan ra ozrê xo biwazo. Ewro ra tepîya ganî aktîvîteyê ke Dêrsim de yenê kerdene kesê ke sûcê tacîz û şîdetî kerdî tewr mebê û înan rê îtîbar nêro ramojnayene.''