Platformê Yewîya Cinîyan ê Kurdan derheqê Qirkerdişê Zaxoyî yê dewleta tirke de eşkerayîyêke daye û qirkerdiş şermezar kerd.

Eşkerayîye wina ya:

''Zaxo de cinî û domanî zî tede xeylêk kesî bombardumanê dewleta tirke de kişîyayî û birîndar bîyî. Bi serran o herêmê Kurdîstanî yenê îşxalkerdene, cinî û domanî yenê qetilkerdene. Çend serrî yo ma her parçeyê Kurdîstanî de veng danê ke wa şer biqedo û partîyê kurdan yewîya xo bîyarê ca. Ganî bi lezî nê îşxalkerî çar parçeyanê Kurdîstanî ra bêrê vetene. Seba ney zî ganî sere de cinîyê kurdî pêro kurdî vengê xo vejê û dinya nê şerî ra agahdar bikerê.

Vera kiştişê sivîlan, talanê Kurdîstanî ma venga cinîyanê her parçeyê Kurdîstanî danê ke vera şerî tewirê xo bimojnê, têkoşînê yewîya cinîyan ê kurdan û yewîya şarê kurdî xurtêr bikerê.''